Heart4kidsadvocacyforum's Blog

Tu’apulelulu 18: Ta’engata.  (‘Itaniti)

Ko hono mo’oni, ‘e lava ke ‘i ai ha ‘uhinga lelei ‘o e fo’i lea ko e “ta’engata” ‘i he “Mamani Ethereal” pea ‘i he ngaahi tukunga pau ‘i he “mamani fakamamani fakangalingali” ko ‘eni, te tau lava ‘o ‘ilo ai ‘oku tau ongo’i hange ‘oku tau “fihia ‘i ha me’a ‘oku ‘ikai lelei ‘o a’u ki ‘itaniti”.  ‘I he tu’unga ‘o e “Maama Fakalaumalie” ‘oku ‘uhinga ‘a e lelei ‘o e “ta’engata” ki hotau “va fetu’utaki mo e ‘Otua”.  ‘Oku ne fakahaa’i ‘a e loloto mo e tu’unga ‘o e li’oa mo e tukupa ‘o e va fetu’utaki ko ia. 

‘Oku ta’engata ‘a ‘itaniti!  Ko e feitu’u ia ‘oku ngaue mei ai ‘a e “Ma’u’anga Tokoni- “Laumalie Ma’ongo’onga.”  ‘Oku ma’u ‘e he pule’anga ko ‘eni ‘a e toputapu ‘o e “Laumalie Lahi” ko e ‘Alifa mo e ‘Omeka-.  ‘Oku ongo’i ‘e ha ni’ihi ‘oku ‘uhinga ‘a ‘itaniti ki he mo’ui ‘a hotau laumalie hili ‘etau mate fakatu’asino.  ‘Oku ongo’i ‘e hatau ni’ihi ‘oku ‘uhinga ‘a ‘itaniti ki he’etau mo’ui ta’e ‘i ai hano kamata’anga pe ngata’anga koe’uhi he ‘oku tolonga ‘o ta’engata hotau laumalie.  ‘Oku ou tui ko e mahu’inga lahi ‘o e fakakaukau ko ‘eni ki he “Ta’engata”, ko ‘ene poupou’i kitautolu ke ‘oua na’a fakamoleki ‘etau tokanga mo e taimi ‘i he hoha’a ki he ngaahi me’a fakatu’asino mo fakamatelie, lolotonga ia ‘oku lahi ange ‘a e me’a ke tau a’usia mo tupulaki mei ai kapau te tau tokanga taha ki he’etau “taumu’a fakalangi” pea ‘oua ‘e hoha’a ki he ngaahi me’a ‘oku ‘ikai ke tau lava ‘o pule’i. 

Ko ‘itaniti ko ha tala’ofa ia ki he hokohoko atu ‘o hotau “Soul Essence”!  ‘Oku ‘ikai ha totongi ke totongi.  ‘Oku ‘ikai ko ha aleapau.  Ko ha me’a’ofa ia.  Ko ha me’a’ofa fakapapau’i ia ‘o tatau ai pe pe ko e ha e founga kuo tau va’inga ai ‘i he kotoa ‘o ‘etau mo’ui.  Kuo hoko ‘a e lotu kotoa ko ‘eni ko ha fakamo’oni ki he founga ‘oku tokanga’i ai ‘etau mo’ui mo e founga ‘oku ‘ofa’i ai kitautolu.  Kuo lahi e taumu’a kuo tuku ki he’etau fokotu’utu’u, malu’i kitautolu, mo teuteu’i ha hala mo ha founga ke tau fononga ai ‘i he’etau mo’ui.  Hono ‘ikai lahi ‘a e “‘Ofa” ko ‘eni kuo lilingi hifo ‘e he “Laumalie Lahi” kiate kitautolu.  ‘Ilo’i ‘oku ‘ikai ke tau teitei tuenoa pea ‘e pukepuke kitautolu ‘i he ‘ilo mo e loto ‘o hotau “Tupu’anga” mei he’etau tu’itu’ia ki ‘itaniti. 

‘Oku ou fakatauange kuo hanga ‘e he hokohoko ko ‘eni ‘o e Saame Uofulu ma tolu ‘o ‘ai ke ke ki’i tu’u hifo ke ke fakakaukau ki he me’a ‘oku tala’ofa ‘i he lotu ko ‘eni.  ‘Oku ou fakatauange ‘e hoko ia ko ha lotu ‘oku ongo kiate koe pea te ke fie faka’aonga’i ko ha fakahinohino ‘i ho’o fononga ‘i he mo’ui mo ha pou taumu’a ke ke ma’u ai ho’o mahino ki he “‘ofa ta’engata”!