Heart4kidsadvocacyforum's Blog

iMantra ni Veisiga:

E sega ni dua na ka e sega ni tu vei iko na kaukauwa mo rawata ka vakaraitaka sai koya na gagadre dina ni yalomu.  Sa noda dui dodonu yadua me da bulataka e dua na bula e taucoko, vakasinaiti ena reki, ka vakainaki.  Taura matua se o cei na kemu “ivakatakilakila vakalou”, kei na nomu “ituvatuva kei na ilakolako ni icavacava ni bula vakalou ka na vakalougatataki iko ka na vakalougatataki kina o vuravura. 

Veivosaki ena siga o ya: 

Eda sa lakova oti na sala oqo ni ivalu vakavanua, ena vuqa na gauna ena noda itukutuku makawa e liu, ia ena nodra yaco mai na kaukauwa veivakasaurarataki, sinai tu ena veivakaduiduitaki kei na veicati, sa sega ni rawa ni wawa na noda veisaqasaqa.

Era sa rere na tamata, o ira na tina kei na tama, o ira talega na tubudra, era sega ni kila na cava, gauna, se vanua ena basika kina na veivakararawataki.   Era veilakoyaki vata ena masu me ra vakamalumutaka na yalo sa yaco tiko mai.  O ira na matavuvale, itokani, veiwekani, o ira sara mada ga e sega ni dua e kila, era sa gole yani ki gaunisala me ra veirai mata kei ira na kaukauwa era vakavuna tiko na basulawa oqo ki na dua na kawatamata eda sa vakaleqai keda kece kina se da yadra tiko se moce.  Eda na sega ni rawa ni levea na revurevu ni veivakacacani oqo ena noda vanua baleta ni na sotavi keda ena ivurevure kece sara ka na tokona na noda bula. 

Na lasu era vakani keda, ena sega ni vunitaka na dina, baleta ni oqo e sega ni 1865, 1955, 1970 se 75, ka sega ni 1992 ena vuku ni ka oqori o na rawa ni vakadeitaka.  E duatani na vuravura, kei na tekinolaji ni itukutuku raraba sa dolava na katuba me vakaraitaki kina na dina mai na lasu.  Sa rawa vei keda me da cakava ga na noda digidigi kei na vakatulewa ka na tarovi ena noda vakayagataka na noda kila na ka kei na veivakararamataki vakayalo kevaka eda digitaka meda cakava vakakina.  Keimami na sega ni soro se vakadonuya na druka, baleta ni a valataka na neimami galala ena olo ni lewa dodonu kei ira na neimami qase e gaunisala.  Eda sega ni kerea tiko na iyau se kaukauwa me vakaleqai kina na kawatamata, ia eda na sega talega ni solia vei ira era vakacacani ena kocokoco. Eda sa tucake tiko!  EDA sa vosa tiko! Ka taqomaki keda ka dusimaki keda na “Yalo Cecere” ni da “Vakaraitaki Keda”!

Veivosaki ena siga o ya: 

Na ivakavuvuli me da bulataka ka na tokona na noda sala ni icavacava oya: Saumi “Na Kaci ki na Galala, Yalololoma, kei na Lewa Dodonu me baleta na kawatamata taucoko”.

Na noqu “iVakarau ni Siga Vou” me’u vakabulabulataka, vakatorocaketaka, ka taqomaka na noqu: Yalo-Yago-Vakasama

Veivakatorocaketaki Vakayalo:

1. Nikua au sa tuvanaka tiko e dua na inaki me’u tubu vakayalo ena noqu vakaitavi ena dua na ka e sotava, ka yaco se ituvaki ka na vakavinakataka cake na noqu “vakatorocaketaki ni yalo”.  Au na cakava:

Vakatorocaketaki ni Yago:

• Nikua au sa tuvanaka tiko e dua na inaki me’u maroroi au ena yagoqu. Au na cakava:

Vakatorocaketaki ni Vakasama:

• Nikua au sa tuvanaka tiko e dua na inaki me’u vakabulabulataka ka vakatorocaketaka na vakasama kei na kila ka e gadreva na noqu vakasama me bulabula, marau, ka taucoko.  Au na cakava:

Na noqu inaki nikua me’u dua na siga ni: Vakayagataka na noqu isolisoli me’u cau ki na “Kacivi”!