Heart4kidsadvocacyforum's Blog

Na Bibi ni “Siga ni Tolu na Tui ena Vuravura Nikua. ” Epiphany”- “Na iVakatakila“

Ni vosa na “Yalotabu” au “Vakarorogo ka Cakava”!

Nikua na ika 6 ni Janueri, “Siga ni Tolu na Tui” ka kilai talega me “Epiphany”.  Oqo e dua na siga era marautaka kina na lotu Vakarisito na gauna era yaco mai kina ki Peceliema na Magi, ka dau kilai tu me Tolu na Tamata Vuku se Tolu na Tui, me ra vakarokorokotaka na sucu vou o Jisu.  Vakayalo na gauna oqo ni Epiphany e vakatakarakarataka na “ivakatakila”.  Oqori na gauna a vakatakilai kina na Karisito sega walega vei Isreal ia ki na veimatanitu kecega. 

Sa baleta na kena vakatakilai na veika e rawa ni yaco ena “Loloma”.

E baleta na kena vakatakilai na gadrevi ni “Yalololoma”.

E baleta na kena vakatakilai na kena gadrevi na “Justice”.

E baleta na kena vakatakilai na gadrevi ni “Empathy”.

E baleta na kena vakatakilai na kena gadrevi me da “Dokai” keda kei ira tale eso.

E baleta na kena vakatakilai na kena gadrevi me vakasaqarai ka tukuna na “Dina kei na Yalodina”.

E baleta na kena vakatakilai na gadrevi ni “Vakaraici Tani” me baleta na tiko vinaka ni dua tale.

Sa baleta na kena vakatakilai na kena gadrevi me da vakamareqeta na “Savasava ni matavuvale” kei na yaga ni yalodina ena noda veitokani.

Sa baleta na kena vakatakilai ni noda dolava na noda vakasama kei na yaloda ki na veigacagaca taumada oqo ka ra sa vatu tutu ki na “iNaki ni Bula i Karisito”, sa tu vei keda na kaukauwa me da bulataka na inaki ni noda bula me salavata kei na noda “buli meda vakakina”. 

Vakasamataka mada na veika eratou cakava na Tolu na Tui me ratou muria kina na kalokalo oya kei na ibalebale ni isolisoli a soli vei Karisito ena bogi oya ni “Epiphany” ka sa vica vata na udolu na yabaki. 

Era rairai vakasaqara tiko beka na “Dina”.

Era a rawa ni kila na ka tabu ena veivanua sega ni namaki.

Era solia na iloloma ni Koula-me dua na sala me rokovi Jisu kina ni Tui.

Era cabora na ka boi vinaka me sala me kilai kina na Nona vakalou.

Era vakacabora na mura me ivakaraitaki ni veivakararawataki kei na solibula mai Vua, sega ni noda.

Na cava e kerea vei keda nikua na siga oqo ni “Epiphany”?  Na siga oqo e vakavotuya vei keda ni da sa kerei tiko meda solia vei ira na kawatamata na noda isolisoli ni loloma, gauna, kei na veiqaravi, baleta na isolisoli oqo era talei cake ka vakayaco-ka vakalevu cake ki vuravura nikua mai na isolisoli vakayago.