ᑕᒪᕐᒥᒃ ᐅᖃᖅᑕᐅᒃᐸᑕ ᐱᐊᓂᒃᓯᒪᓕᖅᐸᑕᓗ – ᓈᒻᒪᒃᓴᙱᓐᓂᖅ ᓵᓚᖃᕋᔭᖅᐳᖅ!
“ᑕᕐᓂᖅ” ᐅᖃᓪᓚᒃᑎᓪᓗᒍ “ᓈᓚᒃᐸᒃᐳᖓ ᐱᓕᕆᓗᖓᓗ”!
ᑐᑭᖓ ᒪᓕᒃᖢᒍ−”ᓈᒻᒪᒃᓴᙱᓐᓂᖅ ᓴᙱᔫᕗᖅ, ᐱᔾᔪᑎᖃᑦᑎᐊᖅᖢᓂ ᐊᒻᒪ ᐃᓕᖅᑯᓯᒃᑯᑦ ᓂᙵᐅᒪᓂᐅᕗᖅ ᓴᖅᑭᖦᖢᓂ ᐃᓱᒪᒋᔭᐅᔪᒧᑦ ᓈᒻᒪᙱᓐᓂᐅᔪᒧᑦ, ᓱᕋᐃᓂᕐᒧᑦ ᐱᒻᒪᕆᐅᒋᔭᐅᔪᓂᒃ, ᐅᕝᕙᓘᓐᓃᑦ ᐃᓕᖅᑯᓯᑦᑎᐊᕆᙱᓐᓂᕐᒥᒃ.” ᐊᒥᓱᐊᓗᖕᓂᒃ ᑕᐃᔅᓱᒪᓂᓕᓴᕐᓂᒃ ᐊᒻᒪ ᑎᑎᕋᖅᓯᒪᔪᓂᒃ ᖃᐅᔨᒋᐊᕐᕕᒃᓴᖅᑕᖃᖅᐳᖅ ᐱᓪᓗᐊᑕᐅᓂᖓᓂᒃ ᐱᔾᔪᑎᖓᓂᒡᓗ ᐃᓅᓂᑦᑎᓐᓂ ᐅᕝᕙᓘᓐᓃᑦ ᑭᐅᔾᔪᑕᐅᔪᓂᒃ ᓈᒻᒪᙱᓕᐅᕈᑎᓄᑦ ᑐᑭᓯᐅᒪᓂᑦᑎᓐᓄᑦ ᐃᓅᓂᑦᑎᓐᓄᑦ ᑐᙵᕕᒋᔭᐅᔪᓂᒃ ᒪᓕᖁᔨᔪᓂᒃ ᐊᖏᕈᑎᒋᓯᒪᔭᑦᑎᓐᓂᒃ “ᑐᙵᕕᒋᔭᐅᓪᓗᓂ ᐃᓄᑐᐃᓐᓇᐅᓂᑦᑎᓐᓄᑦ”. ᐃᖅᑲᖅᑐᐃᕕᒃᑰᖁᔭᐅᕗᒍᑦ ᓇᒡᓕᖕᓂᒃᑯᑦ, ᓴᐳᔾᔨᓯᒪᔪᒪᓪᓗᑕ ᐸᓯᔭᒃᓴᐅᙱᑦᑐᓂᒃ, ᓲᕐᓗ 5-ᓂᒃ ᐅᑭᐅᓕᒃ ᓄᑲᑉᐱᐊᖅ ᒫᓐᓇ ᒐᕙᒪᒋᔭᑦᑕ ᑎᒍᔭᐅᓯᒪᕝᕕᖕᒦᑉᐳᖅ ᐱᑦᑎᐊᖅᑕᐅᙱᖦᖢᓂ ᐊᖓᔪᖅᑳᒥᓂᒃ ᐊᕕᒃᓯᒪᓪᓗᓂ. ᐱᔾᔪᑎᖃᖅᐳᖅ ᑭᐅᓯᖁᔭᐅᓂᕐᒥᒃ ᐃᓅᖃᑎᒌᓄᑦ ᓈᒻᒪᙱᓕᐅᕈᑕᐅᕙᒃᑐᓄᑦ ᓄᑕᖅᑲᓂᒃ ᐱᓂᕐᓗᒃᑕᐅᕙᒃᑐᓂᒃ, ᐃᓅᖃᑎᒥᓂᒃ ᐊᑭᕋᖅᑐᕐᓂᕐᒥᒃ, ᐅᕝᕙᓘᓐᓃᑦ ᐱᔮᕆᑐᐃᓐᓇᖅᑐᒥᒃ ᐊᔾᔨᒌᒃᑎᑦᑎᙱᓐᓂᕐᒥᒃ ᐊᒻᒪ ᐊᑐᖅᑕᐅᕙᒃᑐᒥᒃ ᐱᑦᑎᐊᙱᓐᓂᕐᒥᒃ.
ᑎᓕᔭᐅᓯᒪᕗᒍᑦ ᑕᐅᑐᒐᖃᖁᔭᐅᓪᓗᑕ ᓈᒻᒪᒃᓴᙱᓐᓂᑦᑎᓐᓂᒃ ᖃᓄᐃᓕᐅᖅᐸᓪᓕᐊᓂᑦᑎᓐᓂᒃ ᓄᓇᑦᑎᓐᓂ ᒫᓐᓇᒃᑯᑦ, ᓲᖃᐃᒻᒪ ᑕᕐᕋᖅᑑᒐᑦᑕ ᖃᓄᐃᓕᐅᖅᑐᖃᓕᕐᓂᖓᓂᒃ ᓄᓇᕐᔪᐊᓕᒫᒥ ᓱᕋᒃᐸᓪᓕᐊᑎᓪᓗᒍ ᐃᓅᓂᕗᑦ ᓄᓇᕐᔪᐊᕗᓪᓗ. ᑎᓕᔭᐅᓯᒪᕗᒍᑦ ᐅᑎᖅᑎᑦᑎᖁᔭᐅᓪᓗᑕ ᒪᒥᓴᖁᔭᐅᓪᓗᑕᓗ ᑐᙵᕕᒋᔭᐅᔭᕆᐊᓕᖕᓂᒃ ᐅᒃᐱᕆᔭᐅᔪᓂᒃ ᑐᙵᕕᒋᔭᐅᔪᓂᒡᓗ ᑲᔪᓯᑎᑦᑎᓂᐊᖅᑐᓂᒃ ᐊᐅᓚᔪᓐᓇᑦᑎᐊᖅᑐᒥᒃ ᓄᓇᕐᔪᐊᒥᒃ ᓯᕗᒻᒧᐊᖅᐸᓪᓕᐊᓗᑕᓗ ᑕᒪᒃᑯᓄᖓ ᐃᓗᓕᕆᔭᐅᔪᓄᑦ ᓵᑕᒃᓴᐅᔾᔪᑎᒋᔪᓐᓇᕐᓂᐊᖅᑕᑦᑎᓐᓂᒃ ᐊᓯᑦᑎᓐᓄᑦ.
ᑐᐹᖅᓯᕙᓪᓕᐊᕗᒍᑦ ᓯᓂᒃᑐᓂᒃ ᑕᕐᓂᕐᓂᒃ ᑕᐃᒃᑯᓄᖓ ᐃᒃᐱᖕᓂᐊᔪᓐᓃᖅᑎᑕᐅᓚᐅᖅᑐᓄᑦ ᐊᒻᒪ ᓯᓂᓕᖅᑎᑕᐅᓪᓗᑎᒃ ᐊᕕᒃᓯᔪᒪᓪᓗᑎᒃ ᓵᓚᖃᕋᓱᒃᖢᑎᒡᓗ ᐱᔪᒪᓂᕆᔭᖏᓐᓂᒃ ᐅᔾᔨᕈᓱᖕᓂᖏᓐᓂᒡᓗ ᐃᓄᐃᑦ. ᒫᓐᓇ ᐃᖏᕐᕋᓂᖃᓕᖅᐳᒍᑦ ᑕᐅᑐᖕᓂᕐᒥᒃ, ᑐᓵᓂᕐᒥᒃ, ᖃᐅᔨᒪᓂᕐᒥᒡᓗ ᑭᓱᑦ ᓱᓕᖕᒪᖔᑕ, ᑭᓲᖕᒪᖔᑕᓗ ᓴᒡᓗᔪᑦ. ᐊᒥᓱᕈᖅᐸᓪᓕᐊᑐᐃᓐᓇᖅᑎᓪᓗᒋᑦ ᐃᓄᐃᑦ “ᐃᒻᒥᓄᑦ ᐅᑎᖅᐸᓪᓕᐊᑎᓪᓗᒋᑦ” ᐊᒻᒪᓗ ᐃᖅᑲᐅᒪᓪᓗᑎᒃ ᐱᔾᔪᑎᒋᔭᒥᖕᓂᒃ ᐊᒻᒪᓗ ᓴᐳᔾᔨᓯᒪᓗᑎᒃ ᑭᓇᐅᓂᕐᒥᓂᒃ, ᑕᑯᓂᐊᖅᐳᒍᑦ ᓴᙱᓂᖓᓂᒃ “ᓱᓕᔪᒥᒃ ᓂᙵᐅᒪᓂᖅ” “ᒫᓐᓇᑲᐅᑎᒋ”, ᓄᓇᕐᔪᐊᓕᒫᒧᑦ ᑕᑯᔭᐅᔪᓐᓇᕐᓗᓂ, ᐃᒃᐱᒋᔭᖃᕐᓗᓂ, ᐊᒻᒪᓗ ᑭᐅᓗᓂ “ᑕᕐᓂᑦᑕ ᖃᐃᖁᔭᐅᓂᖓᓂᒃ”!
ᓯᕗᓕᕆᓚᐅᖅᑕᒃᑲ ᖃᐅᔨᒪᓚᐅᖅᐳᑦ “ᐅᓪᓛᒃᑯᑦ ᖁᕕᐊᓱᖕᓂᖅ” ᑕᐃᒪᓐᓇᓗ ᓴᐱᓕᖅᑕᐃᓕᔾᔪᑎᒋᓚᐅᖅᐸᖏᑦ ᐅᒃᐱᕆᔭᒥᖕᓂᒃ ᓵᙵᔪᓐᓇᖅᖢᑎᒡᓗ ᓄᓇᕐᔪᐊᕐᒥᐅᓄᑦ “ᓈᒻᒪᒃᓴᙱᖦᖢᑎᒃ”. ᒪᓕᒋᐊᖃᖅᑕᕗᑦ ᓯᕗᒃᑲᖅᑕᖅᑎᖏᑦ! ᐆᒻᒪᑎᕗᑦ ᓴᒃᑯᐃᔭᕆᐊᖃᙱᑦᑎᐊᖅᑕᕗᑦ ᑖᖅᑐᒧᓪᓗ! ᐳᐃᒍᕆᐊᖃᙱᓚᒍᑦ ᐃᓄᑑᓚᐅᖅᓯᒪᙱᓇᑦᑕ ᐊᒃᓱᕈᕐᓂᑦᑎᓐᓂ ᐊᒻᒪ ᐃᓱᒪᓗᑕ ᓈᒻᒪᙱᓗᐊᕐᓂᑦᑎᓐᓂ. ᑕᒪᑦᑕᑦᑎᐊᖅ ᐃᓚᒋᔭᐅᕗᒍᑦ ᑖᔅᓱᒧᖓ ᐋᖅᑭᒃᓱᒐᕐᒧᑦ ᑕᕐᓂᕗᓪᓗ ᐱᔾᔪᑎᖃᖅᖢᑎᒃ ᓇᒡᓕᖕᓂᕐᒥᒃ, ᓴᐃᓕᓂᕐᒥᒃ, ᒪᓕᒐᓕᕆᓂᕐᒥᒃ, ᓇᒡᓕᒍᓱᖕᓂᕐᒥᒡᓗ ᓄᓇᕐᔪᐊᒧᑦ ᑕᐃᒃᑯᓄᖓᓗ ᐱᔭᕆᐊᖃᖅᑐᓄᑦ ᒪᓂᒪᑎᑕᑦᑎᓐᓂᒃ. ᓇᖏᑦᑎᐊᕆᑦ ᓴᙱᓂᖃᑦᑎᐊᕐᓗᑎᓪᓗ, ᓵᓚᒋᔭᐅᔪᓐᓇᙱᓚᖅ ᑕᕐᓂᕐᓗ ᑕᐅᕗᖓᓕᒫᖅ.
Heart4kidsadvocacyforum's Blog 
Leave a comment